عم إحلم عا صوت عالي

بلبنان عنا يمكن اكتر، يمكن أقل من 50 اتحاد رياضي، وكلمة حق تقال، مسجلين حسب الاصول، بس....منتجين، فعالين، نشيطين، شغالين؟ الحقيقة ما بدي أظلم حدا....ما بعرف.

اللي بعرفه انو كل فترة بيهل هلال اتحاد بنشاط معين وبيرجع يختفي، اللهم الا من كم اتحاد، اكيد بينعدو على أصابع اليد الوحدة معبيين الساحة الرياضية مشكورين.

سؤال بريء كيف بدنا رياضتنا تتقدم نحنا ونايمين؟

كيف بدنا رياضتنا تثبت وجودها وترفع اسم بلدنا بالعالي نحنا وغاشيين؟

كيف بدنا رياضتنا تكون ناجحة ونحنا ماشيين على ما يقدر الله؟

اكيد في كم اتحاد قبضايات فعالين وراسنا بالعالي رافعين.
مشوا معي

نصيحة لوجه الله اكيد انتو عارفين انو نحنا 16 مليون لبناني موزعين تقريبًا بكل بلدان العالم،ناجحين، مميزين، خلاقين، مبدعين، بارزين ومن سيمائنا معروفين.

بتعرفوا كمية الإستفادة من اهلنا، اخوتنا، أولادنا الموجودين هونيك....هذه عينة (بالنحوي أفضل تا نفهمها كلنا):

1. تحقيق التفوق الرياضي: البحث عن الرياضيين من أصول لبنانية الذين يعيشون في الخارج ويتميزون بمواهب رياضية يمكن أن يعزز من مستوى الفرق الوطنية ويزيد من فرص لبنان في تحقيق نتائج إيجابية في المنافسات الدولية.

2. الاستفادة من الخبرات الأجنبية: الرياضيون الذين يعيشون في الخارج غالبًا ما يتدربون في بيئات متقدمة، يحضعون لتدريب رياضي عالي المستوى. جلب هؤلاء الرياضيين إلى الفرق اللبنانية يمكن أن يسهم في نقل تلك الخبرات إلى اللاعبين المحليين.

3. توسيع قاعدة المشاركين: اكتشاف الرياضيين من أصول لبنانية في الشتات يوسع من قاعدة اللاعبين المتاحين للمشاركة في المنافسات وبكل الرياضات، مما يزيد من فرص العثور على مواهب جديدة تساهم في تطوير الرياضة اللبنانية.

بشرفكم خليني كفي حلمي!!!!

عبدو شربل